Sigrún Elísabeth Arnardóttir

Klínískur sálfræðingur | Sérhæfing í hugrænni atferlismeðferð (HAM) | Vinnustaðasálfræði | Sáttamiðlun | Forsjármál | Stjórnendahandleiðsla

 

Ég er eigandi Tíunnar sálfræðistofu og starfa þar sem klínískur sálfræðingur. Samhliða því starfa ég sem sálfræðingur hjá Vinnuvernd ehf., þar sem ég sinni meðal annars verkefnum á sviði vinnustaðasálfræði, geðræktar á vinnustöðum og ráðgjafar til stjórnenda.

​

Ég lauk meistaraprófi í klínískri sálfræði frá Háskóla Íslands árið 2019 og tveggja ára sérfræðinámi í hugrænni atferlismeðferð (HAM) árið 2025. Starfsþjálfun mín fór fram á Landspítala, meðal annars á Laugarási, meðferðargeðdeild fyrir ungt fólk með geðrofssjúkdóma á byrjunarstigi, á bráðamóttöku geðsviðs og hjá Sálfræðiráðgjöf háskólanema.

Áður starfaði ég sem sálfræðingur hjá Heilbrigðisstofnun Suðurlands þar sem ég sinnti börnum, ungmennum og fullorðnum.

​

Í starfi mínu legg ég áherslu á faglega, persónulega og gagnreynda þjónustu þar sem markmiðið er að styðja einstaklinga, fjölskyldur og vinnustaði við að efla geðheilsu, styrkja samskipti og finna raunhæfar lausnir til framtíðar.

​

Fyrir einstaklinga

Ég veiti sálfræðiþjónustu fyrir börn, ungmenni, fullorðna og pör. Þjónustan felur meðal annars í sér sálfræðilegt mat, greiningu, ráðgjöf og meðferð með áherslu á hugræna atferlismeðferð (HAM). Jafnframt sinni ég forsjármati fyrir barnaverndaryfirvöld og dómstóla, auk sáttamiðlunar og handleiðslu fyrir fósturforeldra.

​

Fyrir fyrirtæki og stjórnendur

Ég veiti fyrirtækjum og stofnunum ráðgjöf á sviði vinnustaðasálfræði, stjórnendahandleiðslu og geðræktar á vinnustað. Áhersla er lögð á forystu, samskipti, álagsstjórnun, kulnunarforvarnir og uppbyggingu heilbrigðs og sjálfbærs starfsumhverfis, auk sáttamiðlunar.

​

Félagsaðild

• Sálfræðingafélag Íslands

• Félag sjálfstætt starfandi sálfræðinga

• Sátt – félag um sáttamiðlun