Um mig
Sigrún Elísabeth Arnardóttir
Klínískur sálfræðingur | Sérhæfing í hugrænni atferlismeðferð (HAM) | Vinnustaðasálfræði | Sáttamiðlun
Ég veiti sálfræðiþjónustu fyrir fullorðna og pör, börn og ungmenni, með áherslu á gagnreynda meðferð, ráðgjöf og sálfræðilegt mat. Meðferðarnálgun mín byggir meðal annars á hugrænni atferlismeðferð (HAM), hugrænni úrvinnslumeðferð og núvitund.
Ég lauk meistaragráðu í klínískri sálfræði frá Háskóla Íslands árið 2019 og tveggja ára sérnámi í hugrænni atferlismeðferð árið 2025.
Auk klínískra starfa er ég sáttamiðlari og sinni sáttamiðlun í fjölskyldumálum, forsjár- og umgengnismálum, almennum samskiptaerfiðleikum og ágreiningi á vinnustöðum. Ég veiti jafnframt ráðgjöf á sviði vinnustaðasálfræði og handleiðslu fyrir stjórnendur.
FYRIR HVERJA ER SÁLFRÆÐIÞJÓNUSTA?
Sálfræðiþjónusta er fyrir alla. Fólk leitar til sálfræðings af ólíkum ástæðum og á mismunandi tímum í lífinu. Sumir leita sér aðstoðar vegna kvíða, streitu eða depurðar, aðrir vegna áfalla, samskiptaerfiðleika, lífsbreytinga eða einfaldlega til að efla sjálfsþekkingu og líðan.
Viðtalsmeðferð getur veitt stuðning, hjálpað við að takast á við áskoranir, dregið úr vanlíðan og styrkt sjálfstraust og vellíðan.
Að leita sér aðstoðar getur verið stórt skref, en jafnframt eitt það mikilvægasta sem þú getur tekið í átt að betri líðan og auknum lífsgæðum.
Þú ert hjartanlega velkomin/n.